Светската здравствена организација (WHO) утврдила дека исхраната како фактор е одговорна за најмалку 30% од сите канцерогени заболувања во западните земји. Кај случаите на рак на градите, простатата, бубрезите, дебелото црево и панкреасот утврдено е дека конзумирањето на црвено и преработено месо, заситените животински маснотии, како и "тешката" храна со многу месо го зголемуваат ризикот од добивање рак. Големи научни истражувања во Германија и Англија покажале дека кај вегетаријанците има 40% помалку веројатност од развиток на рак, во споредба со оние кои јадат месо. Вегетаријанската исхрана богата со интегрални житарки, мешунки, зеленчук и овошје дејствува како превентивна мерка за заштита на организмот. Поради тоа не е воопшто за чудење фактот дека кај вегетаријанците има најниска стапка на ризик од заболување од рак, т.е дека се изложени на значително помал ризик во споредба со оние кои конзумираат месо.
Вегетаријанците немаат никаква поголема потреба од витамини и минерали од луѓето кои јадат месо, напротив - ако го земеме предвид фактот дека се хранат поразновидно и поздраво, тие имаат многу помали проблеми со недостигот од витамини и здравствени проблеми.
На пример, железото кое се наоѓа во месото многу потешко се апсорбира и затоа докторите препорачуваат да се конзумира од растителни извори како што се мешунките, житарките, семките, лиснатиот зеленчук - спанаќ, салата, блитва, сушено овошје и др.
На прв поглед може да изгледа дека нема голема поврзаност помеѓу јадењето на месо и огромните проблеми кои ги предизвикува истото, а кои се однесуваат на проблемите поврзани со природната околина со кои светот се соочува, како што се глобалното затоплување, ширењето на неплодните површини, исчезнување на дождовните шуми и појавата на киселите дождови.
"Ловот е секогаш една форма на војна."- Ј.В.Гете (1749 - 1832), германски поет
"Од сите модели на живеење ловот најмногу му се противи на моралниот закон; Ноевата забрана за пролевање на крв изгледа уште од прапочетокот како ништо друго освен како забрана за ловот." - Емануел Кант (1724 - 1804), германски филозоф
Здружение за заштита на животни "Анима Мунди"
Телефон: 077 487 253
E-пошта: contact@anima-mundi.org.mk | anima.mundi.sk.mk@gmail.com
Денарска сметка
240090002006130
Депонент-Уни Банка А.Д.-Скопје