Драги пријатели, бројни бездомни животинки чекаат на вас! :) Со цел да обезбедиме топол дом на што е можно повеќе кутриња и мачки кои, во спротивно, се осудени на страдање на улицам најавуваме три големи акции за вдомување во тек на месец март.
Првата е оваа сабота, 12.03.2015 година на улица „Македонија“, во близина на спомен куќата на Мајка Тереза. Ве каниме сите вас кои сакате да стекнете милениче, да дојдете од 12:00 -17:00 часот , да не посетите, го одберете својот најдобар четроножен пријател и на тој начин да спасите еден живот. Вдомете, зошто пријателството нема цена!
На големата акција за вдомување ќе биде поставен и едукативен штанд со инфо материјали (Прирачник за одговорно чување миленици; препораки за грижа на милениците, флаери, плакати, летоци за полезноста од стерилизација и кастрација на милениците) и во секое време активистите на Анима Мунди ќе бидат достапни за совети и дискусија за се што ги интересира љубителите на животни.
Секое вдомено кутре ќе добие извод и ваучер за 70% попуст за негова стерилизација/кастрација во иднина, кој ќе важи за секаков вид оперативни зафати за вдоменото животно.
Доколку ја испуштите оваа акција следните две акции се на 26.03.2016 и 27.03.2016год.
Нема да должиме - со еден куп преслатки животни ве очекуваме во сабота! :)
Facebook евентот можете да го најдете на следниот линк [link] .