Потребни состојки:

40 дкг смрзнат спанаќ,

1 кромид,

1 чешне лук,

1 лажица масло,

2-3 тиквички,

40 дкг соја сирење, или соја кашкавал

2 дл бешамел сос,

Сол, магдонос, оригано, мускатно оревче, бибер,

Пакетче лазањи (треба барем 10 -15 листа),

2 дцл сос од патлиџан - може место сос и свежи патлиџани,

Неколку парчиња млад кромид,

Неколку шампињони (десетина дкг),

Подготовка:

1. Одмрзнете го смрзнатиот спанаќ. Додадете го во масло каде пропржувате кромид и лук,
2. Додадениот спанаќ, продолжете да го динстате и додадете сол и бибер.
3. Измијте ги тиквичките, насецкајте ги на коцкички или изрендајте ги,
4. Половина од соја сирењето (или соја кашкавал) додадете го во спанаќот кога е веќе добро издинстан -остатокот оставете го за крај,
5. Додадете ги исецканите тиквички, магдоносот, печурките, па и во оваа смеса додадете дел од соја сирењето,
6. Добро измешајте и малку подварете ја смесата, па додадете сол, бибер и оригано.

1. Релната затоплете ја на 200 степени, подгответе тава и намачкајте ја со малку масло,
2. Поставете ги лазањите, на нив ставете дел од смесата (третина), па некое парче соја сирење, некое парче печурки, млад кромид (предходно исецкан на парчиња), па пак лазањи, па смесата, па соја сирење, печурки, сецкан кромид, па повторно лазањи, смесата......

На крај ставете сос од патлиџан, или сецкан свеж патлињан.

1. Во релна печете ги лазањите отприлика 30 минути, потоа извадете ги, па повторно ставете дел од рендано соја сирење (ставајте го на крај од печењето за да не поцрни)
2. Вратете ги во релна и печете уште 10-тина минути и.... веган лазањата е готова! Добар апетит!:)

Состојки:

Ананас,

3-4 банани,

150 г басмати ориз,

малку кафејав шеќер,

¾ млеко од ориз

Подготовка:

За овој пудинг се препорачува свеж ананас, но може и да употребите ананас од конзерва.

Сварете сутлиаш со ¾ оризово млеко и кафејав шеќер. Додадете малку стругана кора од лимун. Бананите исецкајте ги на парчиња, па додадете ги на оризот и помешајте. Добиената смеса ставете ја во посуди и украсете ги со парчиња ананас, а прелејте ја со остатокот од сок од ананас. Пудингот послужете го ладен - може да изрендате малку црно чоколадо и посипете одозгора.

Киноа е богата со протеини, ги соддржи сите девет есенцијални аминокиселини, што ја прави одличен избор за вегани. Содржи и лизин, аминокиселина која е важна за раст и обнова на клетките. Покрај тоа, богата е со манган, магнезиум, железо, бакар, фосфор, како и витамините Б и Е, па се препорачува на лица кои патат од мигрена, дијабетес, атеросклероза. Не соддржи глутен, така што слободно може да ја конзумираат лица кои патат од целијакија. Постојат два вида, црвена и бела киноа.

Потребно е (за 2 лица):

¼ филџан сецкани бадеми,

½ филџан киноа,

4 лажици маслиново масло

1 жолта пиперка, сецкана на стапчиња,

2 чешниња лук (ситно сецкан),

2 власци, ситно сецкани,

1/8 лажичка мелен црвен пипер,

1 лажичка ситно сецкани свежи листови мајчина душица + дополнителни листови за украс

¼ лажичка морска сол,

1 тиквичка (средно голема), исецкана на коцки,

1 лимун

Подготовка:

Загрејте ја релната на 200 степени. Испечете го бадемот (одприлика 7 минути), извадете го од релната и оставете да се излади. Измијте ја киноата и добро процедете ја.

Загрејте 2 лажички маслиново масло на средна температура, па пропржете ја пиперката, лукот, власецот и мелениот црвен пипер, одприлика 5 минути. Додадете киноа, мајчина душица, 1 филџан вода и ¼ сол.

Оставете да проврие, потоа намалете го огинот и крчкајте ја смесата 7 минути.

Додадете ги тиквичките, преклопете ја смесата и верете уште 5-8 минути.

Тргнете ја од шпорето, додадете го бадемот и останатите 2 лажици маслиново масло, посолете. По желба додадете ситно сецкани ливчиња целер или магдонос. Оставете да се олади, пред да ја ставите целата смеса во фрижидер.

Пред да сервирате, прелејте ја смесата со еден лимун.

Сервирајте со украсени ливчиња мајчина душичка и кришки од лимон (по желба)

200 гр. брашно

2 мали лажички пециво

50 гр. ситни парчиња кокос

250 гр. ситно сецкани парчиња ананас од конзерва

1 јајце

150 гр. кафеав шеќер

100 мл. неутрално масло