Печати
Вегефест 2013

Банер ВегефестВЕГЕФЕСТ 2013 - РЕВОЛУЦИЈА КОЈА ПОЧНУВА ВО ТВОЈАТА ЧИНИЈА.. ЗА ПРАВАТА НА ЖИВОТНИТЕ!

ЗАЗЕМЕТЕ СТАВ. Неутралноста секогаш му помага на тиранинот, никогаш на жртвата. Молкот го охрабрува мачителот, никогаш оној кој е измачуван"

Зошто ВЕГЕФЕСТ? - ВЕГЕФЕСТ 2013

Денес постојат многу повеќе животни кои се искористуваат за храна, кожа, крзно, експерименти, лов или риболов, отколку што постојат луѓе на земјината топка. Тие го живеат својот пекол на оваа земја, само поради тоа што повеќето луѓе пасивно го конзумираат нивното тело, сметајќи дека не постои друга алтернатива. Да, пасивно конзумираат, бидејќи сме уверени дека повеќе од половина од тие конзументи веднаш би ги смениле сопствените навики, кога одблиску би се запознале што стои зад еден месен оброк, крзнена бунда и кожни обувки. И дека доколку се запознаат со судбините на животните, би се згрозиле и залагале за правата на животните, исто како што се залагаме и ние.

Токму затоа преку Вегефест сакаме да ви ја доближиме филозофијата на веганството, движење кое од ден на ден расте и рапидно се засилува, а кое како основен постулат подразбира исклучување на било каков облик на искористување на животните  (за храна, облека, обукви, забава, спорт) о и изнаоѓање на хумани, здрави, еколошки прифатливи алтернативи на живеење.

Веганството е принцип на ненасилство, почит и уважување на сечиј живот – кој е еден и единствен за секого, сам по себе вреден.

 

Веганството е борба за правата на животните, борба против дискриминирањето и обезвреднувањето на кое поддложат, само затоа што се друг вид.

Веганството ја разотктива крвавата вистина која лесно се џвака и уште полесно премолчува.

Веганството не признава компромис, зошто слободата по раѓање ни припаѓа подеднакво  на сите, а животот нема цена.

Веганството е вистинскиот избор и гаранција за вашето здравје, филозофија на живеење со која се борите против природните загадувања и  расипништво на се подрагоцените природни ресурси во светот (храна, почва и вода) додека во истиов миг на читање на овој текст милиони лица умираат од глад.

Долгорочно, веганството е и единствен начин за оддржливост и опстанок на оваа наша планета.

Анима Мунди е само мал дел од светското се по прогресивно движење за заштита на животните и нивните права. Од ден на ден во светот има се повеќе вегетаријанци, вегани, лица кои одбиваат да живеат искористувајќи ги животните.

Сите заедно ја правиме разликата.

ВЕГЕФЕСТ е апел до вашата свест и совест, будење на веганот кој се крие во секој од нас.

На 19-ти и 20-ти октомври, во Старата скопска чаршија (Чифте амам и кафе бар Ла Кања) ние „АНИМА МУНДИ“, во соработка со здржението за заштита на животната средина „ТЕРРА ФЛОРИЈА“ Ве каниме на одлична дружба, разговори, предавања, спорт, превкусна веган храна и одлична музичка забава.

Дојдете и уверете се!